Турција испраќа борбени авиони Ф-16 на Кипар

Турција испраќа шест борбени авиони Ф-16 на Кипар. Како што денес пренесува турската телевизија NTV, се очекува ловците Ф-16 да слетаат на аеродромот Ерџан, на северот на островот.

— реклама —

Во тек се подготовки во објектите на аеродромот за сместување на персоналот кој ќе биде стациониран таму.

— реклама —

Ашкин Мешели, вршител на должност директор на Одделот за цивилно воздухопловство, објави дека Турција утрово ќе испрати шест борбени авиони Ф-16 во ТРСК.

— реклама —

Мешели изјави дека авионите се испраќаат од безбедносни причини и дека нивното пристигнување нема да влијае врз цивилните летови.

Во најновото соопштение на Министерството за национална одбрана, исто така, е наведено дека, имајќи ги предвид неодамнешните случувања, се разгледува распоредување на борбени авиони Ф-16 на островот со цел да се обезбеди безбедноста, потсетува NTV и додава дека одлуката доаѓа по низа напади врз базата Акротири на јужен Кипар.