Педесет и едногодишен турски државјанин е лишен од слобода на Граничниот премин Долно Блаце, откако при гранична контрола било утврдено дека возилото со кое патувал било барано по потерница на Интерпол, соопшти Министерството за внатрешни работи.
Според информациите од МВР, приведувањето се случило денеска околу 01:30 часот, при излез од државата. При извршените проверки било констатирано дека патничкото возило „Мерцедес“ со германски регистарски ознаки, управувано од А.С. (51) од Турција, се наоѓа во оперативната евиденција како возило барано по Интерпол.
Лицето било спроведено во полициска станица, а по целосно документирање на случајот против него ќе биде поднесена соодветна пријава.
