Турскиот извоз во мај забележа остар пад од 9,5 проценти на годишно ниво и изнесуваше 22,46 милијарди долари, покажуваат прелиминарните податоци од турскиот Завод за статистика.
Во истиот период, увозот се намалил за 10,8 проценти и достигнал 28,07 милијарди долари.
По падот на извозот и увозот, трговскиот дефицит на Турција во мај изнесувал 5,6 милијарди долари, што е за 15,6 проценти помалку во споредба со истиот месец лани.
Германија е и натаму најголемиот извозен пазар за турските производи, но вредноста на испораките значително се намалила – од 2,96 милијарди долари во мај минатата година на 1,71 милијарда долари годинава.
По Германија следуваат САД, Велика Британија, Италија и Шпанија, а овие пет пазари сочинуваат речиси 30 проценти од вкупниот турски извоз.
Кај увозот, Русија ја презеде водечката позиција од Кина и стана најголем снабдувач на Турција, со извоз во вредност од 3,76 милијарди долари, додека увозот од Кина изнесувал 3,43 милијарди долари.
На третото место меѓу најголемите увозни партнери е Германија, пред САД и Италија.
