20-годишен жител на Ресен бил лишен од слобода откако при сообраќајна контрола било утврдено дека управувал мопед без возачка дозвола.
На 16 септември во 16:08 часот, на улицата „Борис Кидрич“ во Ресен, полициски службеници од ОВР Ресен го сопреле мопедот со ресенски регистарски ознаки, управуван од Т.М. (20) од Ресен.
При контролата било констатирано дека тој управувал без да поседува возачка дозвола, по што бил лишен од слобода.
Од МВР информираат дека по целосното документирање на настанот ќе следува соодветен поднесок.
