Полицијата привела 34-годишен жител на Кавадарци за време на манифестацијата „Тиквешки гроздобер“, откако при преглед кај него биле пронајдени бела прашкаста материја и пари.
Случајот се случил на 5 септември околу 22:45 часот, кога полициски службеници од Отсекот за недозволена трговија со дрога при СВР Велес го лишиле од слобода К.М. (34) од Кавадарци.
При прегледот кај него биле пронајдени и одземени белата прашкаста материја и парични средства. Кавадарчанецот бил задржан во полициска станица, а за случајот бил известен и јавен обвинител.
Од МВР информираат дека по целосното документирање на случајот против него ќе биде поднесена соодветна пријава.
