Уапсен 39-годишен скопјанец, полицијата пронашла сомнителна растителна материја

39-годишен маж бил лишен од слобода во Скопје, откако полициски службеници забележале дека подига непозната растителна материја оставена покрај електричен столб.

— реклама —

Од Министерството за внатрешни работи информираат дека на 6 ноември, околу 20:30 часот, припадници на Единицата за интервентна полиција при СВР Скопје, постапувајќи по претходно добиени оперативни информации, забележале патничко возило „мазда 3“ со скопски регистарски ознаки.

— реклама —

— реклама —

Откако возачот излегол од возилото и ја подигнал материјата оставена покрај електричниот столб, полициските службеници му пристапиле и го лишиле од слобода С.Б. (39).

— реклама —

Од МВР посочуваат дека постојат основи на сомнение за сторено кривично дело според член 215 од Кривичниот законик. По целосното документирање на случајот ќе биде поднесена соодветна пријава.