Уапсен 43-годишен кочанчанец осомничен за четири тешки кражби во домови

Полицијата во Кочани приведе 43-годишен маж осомничен за извршување четири тешки кражби во домови на подрачјето на градот.

— реклама —

Како што информира Министерството за внатрешни работи, полициските службеници од ОВР Кочани го лишиле од слобода Д.С. поради сомнение дека во изминатиот период провалувал во домови и вршел кражби.

— реклама —

— реклама —

По судска наредба бил извршен претрес во неговиот дом, при што биле пронајдени и одземени предмети за кои постои сомнение дека потекнуваат од пријавените кривични дела.

— реклама —

По целосно документирање на случаите, против осомничениот ќе биде поднесена соодветна кривична пријава.