Педесет и петгодишен жител на Гостивар е лишен од слобода по пријава за физички и сексуален напад врз неговата вонбрачна партнерка, информира Министерството за внатрешни работи.
На 5 септември во 07:30 часот, полициски службеници од ОВР Гостивар го привеле А. С. (55) од Гостивар, постапувајќи по пријава поднесена претходниот ден од 40-годишна жена.
Според пријавата, нападот се случил во нејзиниот стан во ноќта меѓу 1 и 2 септември. Жената пријавила дека нејзиниот вонбрачен сопруг физички ја нападнал и извршил сексуален напад врз неа.
Од МВР информираат дека лицето било лишено од слобода и дека по целосното документирање на случајот против него ќе биде поднесена соодветна пријава.
