Полициски службеници од СВР Скопје синоќа го лишиле од слобода М.Н. (59), со престојувалиште во Скопје, по пријава дека недолично се однесувал кон 31-годишна жена во продажен објект.
Според информациите од Министерството за внатрешни работи, приведувањето било извршено на 7 јули околу 22:10 часот на подрачјето на Кисела Вода, откако било пријавено дека мажот ја допирал жената по телото.
Од МВР информираат дека по целосното документирање на случајот, против него ќе биде поднесен соодветен поднесок.
