Уапсен албански државјанин на Табановце, возел „Волво“ барано од Интерпол

42-годишен државјанин на Албанија бил приведен на граничниот премин Табановце откако било утврдено дека автомобилот што го управувал е предмет на потрага на Интерпол.

— реклама —

— реклама —

Според информациите од МВР, настанот се случил на 12 ноември околу 22 часот, кога лицето било запрено при излез од државата. При граничната контрола било констатирано дека возилото „Волво“ со швајцарски регистарски ознаки се барало од Интерпол.

— реклама —

— реклама —

Автомобилот бил одземен, а 42-годишникот бил задржан во полициска станица. По целосното документирање на случајот, против него ќе следува соодветна пријава.