Уапсен бегалец од Затворот „Идризово“ во Гостивар

Бегалец од Казнено-поправната установа Затвор „Идризово“ денеска бил лишен од слобода во Гостивар, соопшти Министерството за внатрешни работи.

— реклама —

Полициски службеници од Секторот за меѓународна полициска соработка – Одделение за потраги, во содејство со колеги од ОВР Гостивар, го пронашле и го лишиле од слобода Е.А. (42) од Гостивар, кој бил во бегство од затворот.

— реклама —

— реклама —

Тој бил осуден на 12 години и осум месеци затвор за кривичните дела „неовластено производство и пуштање во промет наркотични дроги, психотропни супстанции и прекурсори“ според член 215 и „кражба“ според член 236 од Кривичниот законик.

— реклама —

По лишувањето од слобода, Е.А. бил спроведен и предаден во затворот „Идризово“ за продолжување на издржувањето на изречената казна.