Полицијата во Битола лишила од слобода 67-годишен битолчанец, кој се сомничи дека предизвикал пожар во поранешно стовариште на улицата „4 Ноември“.
Случајот бил пријавен на 16 август, а полициски службеници од СВР Битола го лишиле Б.С. од слобода во 15:40 часот. Според пријавеното, пожарот бил предизвикан околу 12:35 часот, при што биле зафатени сува трева и дрвени палети во неговото поранешно стовариште.
Пожарот бил локализиран и изгаснат од екипа на Територијалната противпожарна единица од Битола. Во настанот нема повредени лица.
Увид на местото извршила екипа од СВР Битола, а по целосното документирање на случајот против 67-годишникот ќе биде поднесена соодветна пријава.
