Уапсен германски државјанин кој снимал воен објект со дрон

Германски државјанин е лишен од слобода во струшкото село Радожда под сомнение дека сторил кривично дело „неовластено влегување во воени објекти и правење скици или цртежи на воени објекти и борбени средства“, соопшти Министерството за внатрешни работи.

— реклама —

— реклама —

Според информациите, на 5 август околу 14:30 часот полициски службеници го привеле А.С. (56) од Германија, откако бил затекнат како со дрон ја снима караулата во селото Радожда, која е сопственост на Армијата на Република Северна Македонија, на локација што е во забранета зона за снимање.

— реклама —

— реклама —

Од МВР информираат дека се преземаат мерки за целосно расчистување на случајот, по што против лицето ќе биде поднесена соодветна пријава.