Полициски службеници од Единицата за интервентна полиција при СВР Скопје денеска го лишиле од слобода 49-годишниот С.А. од Скопје, кој бил баран со потерница за издржување затворска казна.
Како што соопшти Министерството за внатрешни работи, потерницата била издадена по наредба на Основниот кривичен суд Скопје за издржување затворска казна од една и пол година за кривично дело по член 235 став 1 од Кривичниот законик.
По приведувањето, С.А. ќе биде спроведен во надлежната казнено-поправна установа за издржување на казната.
