Уапсен скопјанец со 25 пакувања марихуана

Полициски службеници од Единицата за недозволена трговија при СВР Скопје привеле едно лице, откако кај него биле пронајдени марихуана и дигитална вага.

— реклама —

Акцијата била спроведена ноќта меѓу 4 и 5 август на булеварот „Партизански одреди“ во Скопје, по претходно добиени оперативни информации. При преглед на три лица, кај Д.П. биле пронајдени две тегли со вкупно 25 пакувања марихуана, како и дигитална вага со остатоци од дрогата.

— реклама —

— реклама —

Д.П. бил лишен од слобода и задржан во Полициската станица Ѓорче Петров, постапувајќи по насоки на јавен обвинител.

— реклама —

По целосното документирање на случајот, против него ќе биде поднесена кривична пријава за неовластено производство и пуштање во промет на наркотични дроги, психотропни супстанции и прекурсори, согласно член 215 став 1 од Кривичниот законик.