Уапсен тетовец, ја демнел и ѝ се заканувал на поранешната партнерка

Педесет и осумгодишен жител на тетовско село е лишен од слобода под сомнение дека ја демнел и вознемирувал својата поранешна невенчана сопруга, соопштија од СВР Тетово.

— реклама —

Според полицијата, на 6 јуни околу 15:30 часот полициски службеници го привеле Ј.С. (58), откако била поднесена пријава од неговата поранешна 53-годишна партнерка.

— реклама —

— реклама —

Таа пријавила дека во текот на претходниот ден Ј.С. во повеќе наврати ја следел, ја вознемирувал и ѝ упатувал закани по нејзината безбедност, барајќи од неа повторно да започнат заеднички живот.

— реклама —

Од СВР Тетово информираат дека осомничениот е задржан во Полициската станица Тетово и дека, по целосно расчистување и документирање на случајот, ќе биде поднесена соодветна пријава.