Педесет и осумгодишен жител на тетовско село е лишен од слобода под сомнение дека ја демнел и вознемирувал својата поранешна невенчана сопруга, соопштија од СВР Тетово.
Според полицијата, на 6 јуни околу 15:30 часот полициски службеници го привеле Ј.С. (58), откако била поднесена пријава од неговата поранешна 53-годишна партнерка.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Таа пријавила дека во текот на претходниот ден Ј.С. во повеќе наврати ја следел, ја вознемирувал и ѝ упатувал закани по нејзината безбедност, барајќи од неа повторно да започнат заеднички живот.
Од СВР Тетово информираат дека осомничениот е задржан во Полициската станица Тетово и дека, по целосно расчистување и документирање на случајот, ќе биде поднесена соодветна пријава.
