Уапсен возачот што возеше во спротивна насока на автопатот Скопје–Велес

Полицијата денеска го лиши од слобода 39-годишниот М.Ш. од тетовското село Челопек, кој пред неколку дена возеше во спротивна насока на автопатот Скопје–Велес, предизвикувајќи сериозна опасност за останатите учесници во сообраќајот.

— реклама —

Според Министерството за внатрешни работи, инцидентот се случил на 2 август околу 19:20 часот, кога тој со автомобил „голф“ со тетовски регистарски ознаки се движел во спротивна насока. Настанот беше снимен и објавен на социјалните мрежи од очевидци.

— реклама —

— реклама —

По целосното документирање на случајот, против него ќе биде поднесена кривична пријава за кривичното дело „безобѕирно управување со моторно возило“, а ќе биде изведен и пред надлежен јавен обвинител.

— реклама —

Од МВР повторно апелираат до возачите да ги почитуваат сообраќајните правила и прописи за да се зголеми безбедноста на патиштата.