Уапсени девет возачи: тројца возеле без положен испит, шестмина под дејство на алкохол

Девет возачи биле лишени од слобода во текот на изминатото деноноќие на различни локации низ државата поради сомнение за сторено кривично дело „безобѕирно управување со моторно возило“, согласно член 297-а од Кривичниот законик, соопшти Министерството за внатрешни работи.

— реклама —

Од приведените, тројца управувале возило без положен возачки испит. Станува збор за 31-годишен жител на Арачиново, 35-годишен жител на Умово, општина Студеничани, и 27-годишен жител на Виница.

— реклама —

Останатите шестмина управувале возила под дејство на алкохол, при што предизвикале сообраќајни несреќи. Меѓу нив се 42-годишен жител на Тетово, 60-годишен жител на Скопје, 42-годишен жител на Кичево, 19-годишен жител на Злеово, Радовишко, 26-годишен жител на Брајковци, Валандовско, и 19-годишен жител на Пирок, Тетовско.

Од МВР посочуваат дека 19-годишникот од Пирок, покрај тоа што управувал возило под дејство на алкохол и предизвикал сообраќајна несреќа, немал ниту возачка дозвола.

— реклама —

По целосното документирање на случаите, против возачите ќе бидат поднесени соодветни кривични пријави.

Од МВР апелираат до сите учесници во сообраќајот да ги почитуваат сообраќајните правила и прописи и да не управуваат возило без положен возачки испит, со изречена забрана за управување или под дејство на алкохол.