Училишен автобус со 20 деца излетал од кружен тек и се забил во ѕид од куќа во Германија

Утринска сообраќајна несреќа во Германија предизвика голема интервенција на итните служби откако училишен автобус со околу 20 деца излетал од патот и се забил во ѕид од куќа во градот Бад Олдесло, во сојузната покраина Шлезвиг-Холштајн.

— реклама —

Несреќата се случила околу 7:20 часот на улицата Цилцберг. Од засега непознати причини, автобусот поминал преку кружен тек и удрил во ѕидот на куќата.

— реклама —

— реклама —

По судирот, возачот останал заробен во автобусот, а, според полицијата, повредени се една жена и неколку патници. Точниот број на повредени, како и тежината на нивните повреди, сè уште не се утврдени.

На местото на несреќата интервенираат итните медицински служби, пожарникари и полиција, а областа е обезбедена.