Удрил полицаец со лименка пиво во глава на „Октобер-фест“, ОЈО бара притвор за 31-годишен Мексиканец

Основното јавно обвинителство Скопје поведе постапка против 31-годишен државјанин на Мексико, осомничен за напад врз службено лице при вршење работи на безбедноста.

— реклама —

Според Обвинителството, инцидентот се случил на 19 септември за време на манифестацијата „Октобер Фест – звуците на културата“ во паркот „Ѓорче Петров“. Осомничениот, како што е наведено, физички нападнал полициски службеник кој се обидел да го легитимира.

— реклама —

Тој наводно го удрил полицаецот со лименка пиво во главата, а потоа повторно го нападнал, удирајќи го по рацете додека службеникот се обидувал да го приведе.

— реклама —

Од ОЈО Скопје информираат дека, имајќи предвид дека осомничениот нема пријавен престој во Македонија, јавниот обвинител оценил дека постои опасност од бегство.

Поради тоа, до судијата на претходна постапка е доставен предлог за определување мерка притвор за 31-годишниот осомничен.