Каса со пари била украдена од пред влезот на црквата „Св. Атанасиј“ во тетовското село Брвеница, информираат од СВР Тетово.
Според пријавата, случајот бил пријавен на 16 јуни во 11:30 часот, а кражбата се случила претходниот ден околу 16:30 часот.
Од полицијата наведуваат дека засега непознат сторител ја одзел касата со пари која се наоѓала пред влезот на црквата.
СВР Тетово презема мерки и активности за пронаоѓање на сторителот и за целосно расчистување на случајот.
