Украина и Чешка се договорија: Ќе градат фабрика за муниција

Украинската државна компанија Укроборонсервис и чешкиот производител на муниција Селиер и Белот планираат да изградат фабрика за муниција во Украина, изјави украинскиот премиер Денис Шмихал по заедничките состаноци на двете влади во Прага.

— реклама —

Чешка е важен сојузник на официјален Киев во борбата против Русија и ја предводеше иницијативата со која на Украина и беа доставени стотици илјади муниција од целиот свет, пренесува Ројтерс.

— реклама —

„Помеѓу другите договори во областа на одбраната, договорена е и изградба на нова фабрика за муниција во Украина. Договорот е потпишан меѓу компаниите Селиер и Белот и Укроборонсервис. рече Шмихал, без дополнителни детали.

— реклама —

Чешкиот производител на пушки Colt CZ Group, кој годинава ја презеде компанијата Селиер и Белот, соопшти дека во рамките на овој проект ќе обезбеди машини за производство на муниција од мал калибар.

— реклама —

Друга единица на Colt CZ Group, чешката Збројовка, исто така, како дел од претходните планови, потпиша договор за трансфер на технологија за производство на пушки CZ BREN 2 во Украина.