Русија од почетокот на 2026 година уништила или оштетила повеќе од 200 украински железнички локомотиви, изјави вицепремиерот задолжен за обнова на Украина, Олексиј Кулеба.
Според него, руските сили годинава извеле повеќе од 1.000 напади врз украинската железничка инфраструктура. Во последниот напад, извршен во петокот вечерта во Дњепропетровската област, биле оштетени уште две локомотиви.
Кулеба истакна дека обемот на потребните поправки постојано расте и бара значителни финансиски средства.
Украинскиот државен железнички оператор „Укрзализница“ има клучна улога во економијата на земјата, бидејќи преку него се транспортираат повеќе од 90 проценти од украинскиот извоз.
