Украина остана без клучна комуникација на боиштето

Сателитската интернет-мрежа во сопственост на Илон Маск, Старлинк, вчера претрпе глобален прекин, потврди компанијата на својата официјална страница.

Сè уште не е потврдено дека „Старлинк“ во Украина целосно се вратил во функција. Пореметувањето ги погоди корисниците ширум светот, а особено одекна во Украина, каде што „Старлинк“ ја одржува врската на болници, училишта и воени единици на првата линија.

— реклама —

„Старлинк повторно е во прекин долж целото боиште“, напиша на Телеграм командантот на украинската единица за дронско војување Роберт „Мадјар“ Бровди.

— реклама —

Речиси еден час подоцна објави дека врската „постепено се враќа“, иако „Старлинк“ сè уште нема потврдено целосна обнова на услугата.

Десетици илјади пријавени проблеми ширум светот

— реклама —

„Downdetector“, платформата што следи прекини на интернет-услуги, забележа десетици илјади пријави за проблеми од корисници ширум светот. Од компанијата порачаа дека ја истражуваат причината за дефектот. Ова е втор голем пад на услугата во последните неколку месеци.

„Старлинк“ во Украина ја замени поголемата дел од уништената комуникациска инфраструктура и денес ја одржува врската и за цивили и за војската. Од почетокот на руската инвазија во 2022 година, Киев доби повеќе од 50.000 „Старлинк“ терминали, од кои речиси 30.000 обезбеди Полска.

„Ројтерс“ во јули 2023 година објави дека Маск привремено ја деактивирал покриеноста над Херсонската област за време на украинската контраофанзива во 2022 година, што го отвори прашањето за зависноста на критичната инфраструктура од одлуките на приватна компанија.