Украина се соочува со проблем: Над 200.000 војници се водат како самоволно отсутни

Поранешниот украински министер за одбрана Михаило Федоров изјави дека повеќе од 200.000 припадници на украинската армија во моментов се водат како самоволно отсутни од службата, оценувајќи дека тоа е еден од најсериозните предизвици за вооружените сили.

— реклама —

За време на пренос во живо, Федоров истакна дека решавањето на овој проблем треба да биде главен приоритет во реформата на системот за мобилизација.

— реклама —

Тој додаде дека голем предизвик претставува и бројот на лица што се бараат поради прекршување на правилата за мобилизација, при што, според него, државата троши значителни ресурси за нивно пронаоѓање и регрутирање.

Федоров предложи реформа што би вклучувала подобра комуникација со граѓаните, поквалитетна воена обука и можност регрутите сами да ги избираат единиците во кои ќе служат.

— реклама —

Според него, таквиот пристап би го намалил бројот на случаи на избегнување на воената обврска и би го направил процесот на мобилизација потранспарентен и поефикасен.

— реклама —

Украинските власти и понатаму се соочуваат со недостиг од воен персонал, додека во земјата сè уште се во сила воената состојба и општата мобилизација.