Украина тврди дека погодила руски танкер од „флотата во сенка“ во Црното Море

Украинските вооружени сили соопштија дека извеле успешен напад врз танкерот „Фина А“ во Црното Море, брод кој, според Киев, бил дел од таканаречената руска „флота во сенка“ што се користи за заобиколување на меѓународните санкции.

— реклама —

Во соопштението на Генералштабот на украинската армија се наведува дека погодокот е потврден, додека во тек е проценка на причинетата штета.

Според украинските власти, станува збор за танкер што се наоѓа под санкции на Европската Унија, Велика Британија, Швајцарија, Канада и Украина, а бил користен за транспорт на сурова нафта и нафтени деривати.

— реклама —

Покрај нападот во Црното Море, украинските сили извршиле удари и врз неколку логистички и воени цели на руската армија на окупираните територии.

— реклама —

Меѓу погодените објекти се два патни моста во близина на Севернокримскиот канал и кај местото Воинка во Херсонската област, кои, според Киев, имале значајна улога во снабдувањето и движењето на руските сили.

Украинската армија соопшти и дека биле погодени командно-набљудувачки пунктови и командни центри на руските сили во близина на Велика Новосилка, во окупираниот дел на Доњецката област.

— реклама —

Независна потврда за тврдењата на украинската страна засега нема, а руските власти не се огласија веднаш по објавувањето на информацијата.