Украина загуби борбен авион МиГ-29, пилотот успеа да се катапултира

Украинското воено воздухопловство соопшти дека синоќа изгубило борбен авион МиГ-29 за време на извршување борбена задача во Полтавската област.

— реклама —

Според официјалното соопштение, пилотот успеал навреме да се катапултира и безбедно да се спаси.

— реклама —

По катапултирањето, пилотот воспоставил контакт со службата за пребарување и спасување, по што бил пренесен во медицинска установа за дополнителни прегледи.

Загубата на авионот се случила истата ноќ кога Русија извршила голем напад со беспилотни летала врз Украина.

— реклама —

Украинското воздухопловство информираше дека во нападот биле лансирани 129 дронови, од кои 113 биле соборени или неутрализирани со системи за електронско војување.

— реклама —

Засега не се соопштуваат дополнителни детали за причините за губењето на авионот.