Украинска одмазда? Уништена фабрика за оклопи за војниците на Путин, осомничени за голема саботажа

Пожар уништи фабрика за производство на панцири за војниците на рускиот претседател Владимир Путин во близина на Москва во раните утрински часови.

Сопственикот на споменатата фабрика „Гавари груп“ е под украински санкции поради војната, пишува Дејли Мејл.

— реклама —

Надлежните институции во Русија истражуваат дали пеколот утринава бил предизвикан од подметнување пожар во саботажа. Нема извештаи дека дронови ја погодиле фабриката во Обухов, Московската област, а пожарот наводно уништил околу 86.000 квадратни метри од работилницата и магацинот, а на местото на настанот биле испратени повеќе од 100 пожарникари.

— реклама —

Фабриката наводно произведува бројни производи, но клучот е производството на панцири, шлемови и заштитни обувки. Затоа Киев ја санкционираше фабриката.

Во пожарот нема жртви, а работниците во фабриката избегале пред огнот да ја зафати зградата.

— реклама —

Експлозиите и пожарите во стратешки објекти, вклучително и одбранбени објекти, капацитети за складирање нафта и гасоводи станаа чести за време на речиси 23-месечната војна.

Овој немил настан се случи по рускиот напад на хотел во Харков, североисточна Украина, во кој беа ранети 11 лица.

Хотелот се наоѓа на околу 30 километри од руската граница.