Украински дронови ja погодија најголемата постројка за обработка на гас во Русија – „Оренбург“

Најголемата постројка за преработка на гас во светот, „Оренбург“, било погодено во напад со украински дронови, при што е оштетен дел од објектот, соопшти гувернерот на регионот Јевгениј Солнцев.

— реклама —

Нападот предизвикал пожар во една од работилниците, но, според гувернерот, нема повредени меѓу вработените. Екипи на противпожарната служба веднаш интервенирале и успеале да го изгаснат пожарот.

— реклама —

Ова е првпат постројката „Оренбург“ да биде цел на напад, а таа претставува дел од гасно-хемискиот комплекс на „Гаспром“, со годишен капацитет од 45 милијарди кубни метри гас. Во објектот се преработува гасен кондензат од полињата во Оренбург и казахстанското поле Карачаганак.

Паралелно, гувернерот на Самарската област, Вјачеслав Федоришчев, соопшти дека руската противвоздушна одбрана делувала против украински дронови, при што локалниот аеродром и мобилниот интернет биле привремено прекинати.

— реклама —

Руското Министерство за одбрана објави дека ноќта биле соборени 45 украински дронови – меѓу нив 12 над Самарската област, 11 над Саратовската и еден над Оренбургската област.

— реклама —

Од Украина засега нема официјална реакција, но од август таа значително ги зголеми нападите врз руските рафинерии и енергетски постројки, со цел да ја наруши снабденоста со гориво и да ѝ ја ослаби финансиската моќ на Москва.