Украински дронови погодија руски борбени авиони

Украинските сили со беспилотни летала извршиле напад врз руска авиобаза во Чељабинск, при што биле оштетени повеќе борбени авиони, соопштија украински воени извори. Според нив, меѓу погодените летала има два авиони од типот Су-57, еден Су-34 и уште еден чиј модел не е прецизиран.

— реклама —

Првичните информации од Генералштабот на Украина укажуваа на уништување на два авиони, но подоцнежните податоци покажуваат дека штетата е поголема. Наводно, леталата се наоѓале на околу 1.700 километри од украинската граница, што укажува на зголемен дострел и капацитет на украинските дронови.

— реклама —

По нападот, оштетените авиони биле преместени во затворени хангари, а сателитските снимки покажуваат и уништена опрема за сервисирање на леталата.

— реклама —

Украинските власти оценуваат дека таргетирањето на авиони како Су-34 и Су-57 е клучно за намалување на руските воздушни напади, бидејќи станува збор за летала со голем ударен капацитет и напредни способности.

— реклама —

Руската страна засега не ги коментираше наводите за нападот, а информациите не се независно потврдени. Овој напад е дел од поширока стратегија на Украина за напади врз воена инфраструктура длабоко во руска територија, која се интензивира во изминатиот период.