Украл автомобил и бегал од полиција: Уапсен пијан 25-годишник

На 23.02.2026 година во 01:15 часот, на улица „Индустриска“ во Берово, полициски службеници од ОВР Берово го лишија од слобода Е.Џ. (25) од Берово.

— реклама —

Лицето било затекнато при управување на моторно возило кое претходно било противправно одземено на подрачјето на Берово. По даден знак за запирање, Е.Џ. се дало во бегство, но бил сопрен и приведен од страна на полицијата.

— реклама —

— реклама —

При извршено алкотестирање, кај лицето биле измерени 1,96 промили алкохол во крвта. Исто така, било утврдено дека управувало возило без важечка возачка дозвола.

— реклама —

Постои основано сомнение дека Е.Џ. сторил кривично дело „одземање на моторно возило“ по член 242 став (1) и „безобѕирно управување со моторно возило“ по член 297-а од Кривичниот законик. За настанот е известен јавен обвинител, а по целосно документирање ќе следува соодветна пријава.