29-годишен жител на неготинското село Војшанци бил лишен од слобода под сомнение дека украл метални предмети од плац за градежни материјали во Неготино.
Од МВР информираат дека полициски службеници од ОВР Неготино го привеле С.Д. на 6 септември во 8:15 часот.
Според сомнежите, тој одзел метални предмети од плац во сопственост на правно лице од Неготино. Одземените предмети биле пронајдени и вратени на сопственикот.
За случајот бил известен јавен обвинител, а по целосното расчистување и документирање на настанот против 29-годишникот ќе биде поднесена соодветна пријава.
