Украле сребрен накит од стан во Битола, двајца приведени, по третиот се трага

Тројца жители на Прилеп се осомничени за тешка кражба на накит од стан во Битола, а двајца од нив веќе се лишени од слобода.

— реклама —

Според информациите од МВР, кражбата била извршена на 2 ноември, околу 11:30 часот, во стан на улицата „Карпош“, сопственост на 49-годишен битолчанец. Осомничените, на возраст од 30, 36 и 37 години, одзеле повеќе парчиња сребрен и друг накит.

— реклама —

— реклама —

По преземените полициски мерки, двајца од осомничените биле пронајдени и приведени, додека по третиот сè уште се трага.

— реклама —

СВР Битола поднесе кривична пријава до Основното јавно обвинителство Битола, а во координација со Единицата за насилен криминалитет при БЈБ продолжува да презема мерки за расчистување и на други можни слични случаи.