УМХР со детална прогноза: Ветер над 60 km/h и услови за невреме во повеќе региони

Управата за хидрометеоролошки работи информира дека денес времето ќе биде променливо облачно и нестабилно, со пороен дожд, грмежи и засилен северен ветер на повеќе места низ државата.

— реклама —

Според прогнозата на УХМР, локално временските процеси ќе бидат поинтензивни и ќе има услови за невреме проследено со пообилен пороен дожд, силни грмежи, ветер со брзина над 60 километри на час и изолирана појава на град.

— реклама —

Максималната дневна температура ќе се движи од 21 до 29 степени.

— реклама —

Во Скопје се очекува променливо облачно и нестабилно време со пороен дожд и грмежи. Во одделни делови од котлината ќе има услови за краткотрајно невреме со интензивни врнежи, засилен ветер и можна појава на град.

— реклама —

Температурата во главниот град ќе достигне до 27 степени.