Унгарија вчера го отповика сопственикот на фирмата „Еко клуб“ од Битола, Сашо Јанакиевски, кој беше почесен Конзул на Унгарија во Битола. Одлуката ја донело унгарското МНР откако во јавноста излезе информацијата дека фирмата на Јанакиевски несоодветно го третира медицинскиот отпад пред да го депонира на депонијата „Дрисла“.
Унгарското МНР вчера испратило нота до македонското МНР со известување дека отповикувањето стапува во сила веднаш.
Дел од медиумите објавија дека Јанакиевски е сопственик на компанијата „Еко клуб" од Битола. Според градоначалникот на Град Скопје, Петре Шилегов, оваа фирма несоодветно го третира медицинскиот отпад кој завршувал на депонијата Дрисла.
Јанакиевски бил почесен конзул на Унгарија од 2012 година.
фото: Архива
