Во четврток во 16:45 часот, Владата повторно ќе седне на преговарачка маса со Синдикатот на УПОЗ за барањата што произлегоа од одржаните протести за зголемување на платите на вработените во управата и правосудството.
„Синдикатот на УПОЗ во месец јануари 2025 година, протестираше заедно со вработените за зголемување на платите а преговорите еднострано од Владата беа прекинати.
Иако Синдикатот на УПОЗ се обидуваше тие преговори да продолжат, и вработените во управата и правосудството да добијат додаток на плата, а во месец октомври 2025 година, Синдикатот на УПОЗ се обрати до Владата на РМ за предвидување на средства за 2026 година, за ова зголемување.
По одржување на протестот на 28. јануари, Владата веднаш излезе со "понуда" за зголемување на платите на работниците во управата и правосудството, која без протест немаше да биде добиена.
Нагласуваме дека вработените имаат право на веќе стекнати права утврдени со колективни договори, и новото зголемување на платите ќе значи дополнително материјално право нешто за што Синдикатот на УПОЗ се залага“, се вели во објавата на УПОЗ.
