Помина една недела откако судските службеници излегоа на протест за подобрување на нивниот економско-материјален статус, но очигледно откако Министерката за правда “го искара” претседателот на кривичниот суд Скопје-Иван Џолев, прекинаа и барањата на синдикатот на УПОЗ. Во февруари оваа година судската администрација во Основен суд Скопје 1 имаше најава за штрајк со сите исполнети законски обврски и потпишани наши членови кои ќе штрајкуваат, но тогаш Претседателот на Основниот суд Скопје 1, ги повика вработените и побара од нив лично да се изјаснуваат кој ќе штрајкува, така што очигледно е дека тогаш му сметало, а сега го поддржува протестот, се вели во соопштението Синдикат на администрација и државна урпава на Македонија.
Наша морална одговорност пред сите судски службеници е да ги запрашаме одговорните актери во овој протест зошто сега молчат и дали судските службеници што излегоа на протест се повторно изманипулирани како и многупати досега.
Го повикуваме синдикатот на УПОЗ да продолжи со своите активности како што беше најавено во спротивно судските службеници повторно ќе се чувствуваат изманипулирано, за што имаме бројни поплаки и јавувања во нашиот синдикат.
Ве уверуваме дека и покрај поддршката која им ја дадовме, ќе продолжиме со порадикални чекори со цел да ги оствариме правата на судските службеници во оној степен што заслужуваат и дека повеќе нема да толерираме протести за да се покачат платите на судиите, а ние остануваме со празни џебови, се вели во соопштението Синдикат на администрација и државна урпава на Македонија.
фото: Архива
