Судската администрација излезе на еден ипол часовен протест за да ја зголеми и онака големата плата на судиите. Судската администрација во режија на УПОЗ само го верификува она што судската фела и го сакаше, процентуална еднаквост на додатоците на плата.
Сметаме дека со овој чекор се прави голема неправда и ова ќе доведе до изразена нееднаквост на и онака големата разлика во примањата ќе стане уште поголема.
Бидејќи примањата на судиите се многу поголеми од вработените во судската администрација, додатокот на судија за ризик сега ќе изнесува 7,000 денари, а на судските службеници 1,500 денари, а замислете УПОЗ ќе креира еднаквост на штета на вработените во судовите.
Сега повеќе судиите и не мора да трпат критики што сами со правилникот за додатоци на плата ќе си земаат колку што им треба.
Сега во режија на УПОЗ, со очигледно однапред направен договор тоа им го верификуваат судските службеници кои излегоа на протестот. Додатоците на плата мора да бидат со исти реални вредности, бидејќи тие не се плата. Ризикот подеднакво го трпат сите во судовите, само некои десет пати повеќе го наплатуваат. Сега со верификацијата на самите судски службеници нека им е наздравје, се вели во соопштението од Синдикална организација на правосудството.
фото: Архива
