Управниот суд, на заседанието доцна синоќа ја уважил тужбата поднесена од Академија зa судии и јавни обвинители „Павел Шатев”. Академијата се спротивстави на одлуката на Државната комисија за спречување на корупција донесена во средата.
ДКСК сметаше дека Академијата ги прекршила законите со тоа што не го стопирала процесот на селекција на кандидати.
Судот ја поништил одлуката на ДКСК и го вратил предметот на повторно одлучување.
Претставката до ДКСК беше поднесена од претседателскиот кандидат на ВМРО-ДПМНЕ Гордана Силјановска – Давкова.
Таа се обрати пред советот за да ги аргументира причините поради кои се обратила до ДКСК.
Според Силјановска Давкова, Академијата за судии го прекршува Изборниот законик со тоа што во моментов води постапка за вработување на 130 слушатели за идни обвинители и судии.
Инаку, ДКСК едногласно го поддржа нејзиниот приговор.
