Управувал четирицикл без дозвола, па се превртел и се здобил со тешки повреди

Четириесет и четиригодишен маж од тетовското село Копанце е тешко повреден откако изгубил контрола над четирициклот што го управувал и се превртел на регионалниот пат меѓу селата Лешок и Шемшово.

— реклама —

Според информациите од МВР, несреќата била пријавена на 20 октомври во 10:40 часот во СВР Тетово. Повредениот С.М. бил пренесен во тетовската болница, каде што му биле констатирани тешки телесни повреди.

— реклама —

— реклама —

При увидот било утврдено дека мажот го управувал четирициклот со тетовски регистарски ознаки без возачка дозвола.

Од МВР информираат дека по целосното документирање на случајот ќе следува соодветен поднесок.