Повеќе од 15.000 посетители досега уживаа во храната, музиката и урбаната атмосфера на AERO Street Food Festival, кој се одржува во паркот „Авионче“ под покровителство на Општина Аеродром. Фестивалот продолжува уште денес и утре, со две последни вечери исполнети со музичка програма и гастрономски специјалитети.
Од почетокот на фестивалот на 4 септември, паркот „Авионче“ е исполнет со посетители од Скопје и други градови во Македонија. Особено внимание привлече понудата на 20 гастрономски брендови, кои на посетителите им нудат различни специјалитети од домашната и светската кујна.
Програмата продолжува вечерва, 7 септември, а големото финале е закажано за утре, 8 септември.
Фестивалскиот простор се отвора во 17:30 часот, музичката програма започнува во 19:30 часот, а влезот е бесплатен.
Од Општина Аеродром ги повикуваат граѓаните да ги искористат последните две вечери од годинешното издание и да уживаат во храната, музиката и урбаната атмосфера во паркот „Авионче“.
