Првообвинетиот Бојан Јовановски познат како Боки 13 кој во судот беше донесен со полициска асистенција, а спроведен од истражниот затвор „Скопје“ кој се наоѓа во Шутка, уште на самиот старт на судењето упати барање до судската порота.
Тој побара одлагање на судењето, поради како што рече, влошена здравства состојба. Боки 13 посочи дека тој утринава повеќе пати повраќал, па затоа судењето треба да биде прекинато.
„Не сум свесен, утринава повеќепати повраќав“, рече првообвинетиот Боки 13.
Пред судот е паркирано возило на Брзата помош, по барање на судот или Русковска.
Според обвинението, од ноември 2018 година до април 2019 година обвинетиот Бојан Јовановски, познат како Боки 13, го искористил пријателството со шефицата на СЈО, Катица Јанева, и ѝ влијаел да го ослободи од притвор осомничениот бизнисмен, Орце Камчев, во предметот „Империја“.
ФОТО: Фокус.мк
