Утре посебен режим на сообраќај во Скопје поради Задушница

По повод верскиот празник Задушница, утре, 7 ноември, во Скопје ќе биде воведен посебен режим на сообраќај околу градските гробишта, со цел да се обезбеди непречено движење на возилата и безбедност на граѓаните.

— реклама —

Како што информира МВР, од 6 часот сообраќајот кон градските гробишта Бутел ќе се одвива еднонасочно, во кружен тек. Возилата ќе се движат по улицата „Бутелска“, потоа лево по „Александар Урдаревски“, повторно лево по „Боца Иванова“ и десно до влезот на гробиштата.

— реклама —

За излез од гробиштата, возилата ќе се движат десно по „Боца Иванова“ до кружниот тек со „Бутелска“, потоа лево по „Бутелска“ и десно по улицата „Кемал Сејфула“.

— реклама —

Посебен режим на сообраќај ќе биде воведен и околу гробиштата Камник, Драчево и Ѓорче Петров.

— реклама —

Од МВР апелираат граѓаните да ги почитуваат насоките и наредбите на полициските службеници на сообраќајниците опфатени со посебниот режим.