Охрид утре ќе биде во знакот на пливањето и спортската традиција, со одржувањето на 39. издание на Охридскиот пливачки маратон. На патеката „Климе Савин“, долга 25 километри, 16 пливачи ќе се соочат со еден од најголемите предизвици во пливачкиот спорт.
Градоначалникот на Охрид, Кирил Пецаков, истакна дека маратонот претставува многу повеќе од спортски натпревар и е дел од препознатливиот идентитет на градот.
„Како градоначалник, но и како охриѓанец, горд сум што имаме свој придонес во оваа голема маратонска традиција. Охридскиот пливачки маратон е многу повеќе од трка, тој е дел од нашиот идентитет, наша гордост, симбол на Охрид и нашето езеро“, порача Пецаков.
Тој на учесниците им посака успешен настап и мирни води во текот на целиот маратон.
