Времето денес ќе биде променливо облачно со сончеви периоди, а во попладневните часови на повеќе места ќе има услови за нестабилност проследена со пороен дожд и грмежи, информира Управата за хидрометеоролошки работи (УХМР).
Ќе дува умерен, а наместа повремено засилен ветер. Во западните делови ќе биде од западен, а во источните од северозападен правец.
Дневната температура ќе се движи од 28 до 36 степени.
Во Скопје ќе преовладува сончево време со мала до умерена облачност. Попладне во делови од котлината се очекува нестабилност со пороен дожд, грмежи и засилен ветер. Ќе дува слаб до умерен ветер од променлив правец, а максималната температура ќе достигне до 32 степени.
