УХМР најавува дожд, грмежи и силен ветер: Температурите значително ќе опаднат

Управата за хидрометеоролошки работи најавува променливо облачно и посвежо време со повремени врнежи од дожд, кои локално ќе бидат проследени со грмежи.

— реклама —

Според прогнозата, на повеќе места ќе има нестабилност со пороен дожд, грмежи и засилен ветер, а можно е и ретка појава на град. Ќе дува засилен северен ветер, кој долж Повардарието повремено ќе достигнува брзина и над 60 километри на час.

— реклама —

Утринските температури ќе се движат од 10 до 17 степени, додека дневните значително ќе опаднат во споредба со денешните и ќе се искачат од 20 до 27 степени Целзиусови.

— реклама —

Во Скопје се очекува променливо облачно и посвежо време, а претпладне ќе има повремени врнежи од дожд. Ќе дува засилен северен ветер, кој во делови од котлината повремено ќе биде и силен.

Минималната температура во главниот град ќе се спушти до 15 степени, а максималната ќе достигне до 24 степени.