УХМР најавува нестабилно време: пороен дожд, грмежи и ветер над 60 км/ч

Времето денеска ќе биде променливо облачно и нестабилно, со повремени врнежи од дожд и грмежи, соопшти Управата за хидрометеоролошки работи.

— реклама —

На повеќе места се очекуваат поројни врнежи, а локално процесите може да прераснат во краткотрајно невреме, проследено со силен ветер со брзина над 60 километри на час, електрични празнења и изолирана појава на град.

— реклама —

Утринската температура ќе се движи од 9 до 16 степени, а дневната ќе достигне од 27 до 35 степени.

— реклама —

Во Скопје времето ќе биде претежно облачно со врнежи од дожд. Во одделни делови од котлината ќе има услови за краткотрајно невреме со силен ветер, грмежи и можност за појава на град.

— реклама —

Минималната температура во главниот град ќе изнесува околу 15 степени, а максималната ќе достигне до 32 степени Целзиусови.