УХМР најавува нестабилно време со пороен дожд, грмежи и можен град

Управата за хидрометеоролошки работи информира дека денеска времето ќе биде променливо облачно со сончеви периоди, а попладне на повеќе места се очекува нестабилност со пороен дожд, грмежи и засилен ветер.

— реклама —

Според прогнозата на УХМР, локално процесите ќе бидат поинтензивни и ќе има услови за невреме со пообилен пороен дожд над 20 литри на метар квадратен, силен ветер над 70 километри на час и појава на град.

— реклама —

Максималната температура низ земјата ќе се движи меѓу 19 и 23 степени.

— реклама —

Во Скопје се очекува променливо облачно време со сончеви периоди, а попладне нестабилно со пороен дожд и грмежи.

Во делови од котлината се можни краткотрајни невремиња со интензивен дожд, грмежи и силен ветер, а максималната температура ќе достигне до 23 степени.