УХМР најавува невреме: Пороен дожд, грмежи и силен ветер низ Македонија

Времето денеска ќе биде променливо облачно со сончеви периоди, а попладне во повеќе делови од државата се очекува нестабилност проследена со пороен дожд, грмежи и засилен ветер, информираат од Управата за хидрометеоролошки работи.

— реклама —

Според прогнозата на УХМР, локално процесите ќе бидат поинтензивни и ќе има услови за невреме со пообилен пороен дожд, силен ветер со брзина над 60 километри на час и можна изолирана појава на град.

— реклама —

Утринската температура ќе се движи од 9 до 18 степени, додека дневната ќе достигне од 23 до 32 степени.

— реклама —

Во Скопје се очекува променливо облачно време со сончеви периоди, а во попладневните часови ќе има нестабилност со пороен дожд, грмежи, засилен ветер и услови за краткотрајно невреме во делови од котлината.

— реклама —

Минималната температура во главниот град ќе се спушти до 15 степени, а максималната ќе достигне до 30 степени.