УХМР најавува пад на температурите и засилен ветер

Управата за хидрометеоролошки работи (УХМР) за утре најавува сончево и посвежо време со мала до умерена локална облачност и значителен пад на дневните температури во однос на денешните.

— реклама —

Ќе дува слаб до умерен ветер од северен правец, а долж Повардарието повремено ќе биде засилен. Утринските температури ќе се движат од 8 до 16 степени, додека максималните дневни температури ќе бидат во интервал од 22 до 28 степени.

— реклама —

Во Скопје се очекува променливо облачно и посвежо време. Ќе дува засилен северен ветер, кој во одделни делови од котлината повремено ќе биде и силен.

— реклама —

Минималната температура во главниот град ќе се спушти до 12 степени, а максималната ќе достигне до 27 степени.

Од УХМР посочуваат дека освежувањето ќе донесе попријатни временски услови по периодот на повисоки температури.